> Home > Canada > Digital Literacy > Connected Elders and Youth >
ᑲᑎᖃᑎᖃᕐᓂᖅ ᐃᓐᓇᕐᓂᑦ ᐊᒻᒪ ᒪᒃᑯᒃᑐᓂᑦ ᑲᑎᖃᑎᖃᕐᓂᐅᕗᖅ ᐅᑭᐅᖏᑦ ᐊᔾᔨᒋᖏᑦᑐᓪᓗᑎᒃ ᖃᕆᓴᐅᔭᓕᕆᓂᒃᑯᑦ ᐅᖃᐅᓯᓕᕆᓂᐅᓪᓗᓂ ᐃᓕᓐᓂᐊᕐᓂᒃᑯᑦ ᓴᖅᑭᑕᐅᓪᓗᓂ ᐅᑯᓄᖓ ᐃᑲᔪᕐᓂᖅ ᐅᑭᐅᓕᖕᓄᑦ ᑲᓇᑕᒥᑦ, ᐃᑲᔪᖅᑕᐅᓪᓗᑎᒃ ᐱᓐᖑᐊᖅ ᑲᑐᔾᔨᖃᑎᒋᓄᑦ ᐊᒻᒪ ᑲᑎᖃᑎᒋᒃᑎᑦᑎᔨᑦ ᑲᓇᑕᒥᐅᑕᐅᔪᓄᑦ. ᐊᔾᔨᐅᖏᑦᑐᓪᓗᓂ ᐊᖅᑭᒃᑕᐅᔪᖅ ᓄᓇᕗᒥᐅᓄᑦ ᑭᕙᓪᓕᕐᒥᐅᑕᕐᓄᑦ, ᐃᓕᓐᓂᐊᕐᓂᐅᔪᖅ ᑲᑎᖃᑎᖃᕐᓂᐅᕗᖅ ᒪᒃᑯᒃᑐᓂᑦ ᐊᒻᒪ ᐃᓐᓇᕐᓂᑦ ᐃᑲᔪᕐᓂᐅᓪᓗᓂ ᐃᓐᓇᕐᓄᑦ ᐱᕈᖅᐸᓪᓕᐊᓂᐅᓗᓂ ᖃᕆᓴᐅᔭᓕᕆᓂᒃᑯᑦ ᐅᖃᐅᓯᓕᕆᓂᕐᒥᓪᓗ ᐊᔪᕈᓐᓂᕈᑕᐅᓗᓂ ᑲᑎᓐᓂᐅᓗᓂᓗ ᐱᖃᓐᓇᕆᔭᖏᓐᓄᑦ ᐊᒻᒪ ᐃᓚᒋᔭᒥᖕᓄᑦ. ᐃᓚᒋᔭᐅᓗᓂ ᐊᖅᑭᒃᑕᐅᓯᒪᔪᒃᑯᑦ ᐃᓕᓐᓂᐊᕐᓂᐅᔪᒧᑦ, 250−ᓂᑦ ᖃᕆᓴᐅᔭᕋᓚᓂᑦ ᖃᕆᓴᐅᔭᖃᕈᑎᖃᕐᓗᑎᒃ ᐱᑎᑕᐅᓇᔭᖅᑐᑦ ᐃᓕᓐᓂᐊᖃᑕᐅᒃᐸᑕ ᐊᒻᒪ ᓴᓇᔨᐅᔪᓪᓗ.
ᐃᓕᓐᓂᐊᕐᓂᐅᔪᖅ ᓴᖅᑭᑕᐅᕗᖅ 7−ᓄᑦ ᑭᕙᓪᓕᕐᒥᑦ ᓄᓇᓕᐅᔪᓄᑦ ᓄᓇᕗᑦᒥᑦ ᐊᒻᒪ ᐃᓚᓕᐅᔾᔭᐅᓪᓗᓂ ᑲᖏᖅᑐᒐᐱᒃ ᕿᑭᒃᑕᓗᖕᒥᐅᓂᑦ. ᐃᓕᓐᓂᐊᕐᓂᐅᔪᖅ ᐱᕐᓇᐃᓂᐊᖅᐳᑦ ᒪᒃᑯᒃᑐᓂᑦ ᐃᓕᓐᓂᐊᖅᑎᑦᑎᔪᒃᓴᓂᑦ. ᐃᓕᓐᓂᐊᕐᓂᕐᒧᑦ ᐃᓕᓐᓂᐊᑦᑕᐅᔪᒃᓴᑦ ᐊᔾᔨᐅᖏᑦᑐᕗᑦ ᐅᑭᐅᖅᑕᖅᑐᒥᑦ ᐃᓄᓯᕆᔭᐅᔪᒧᑦ ᐊᒻᒪ ᐊᑐᖅᑕᐅᔪᒃᓴᑦ ᐃᓄᐃᑦ ᖃᐅᔨᒪᔭᑐᖃᖏᑦ, ᐃᓄᐃᑦ ᐅᒃᐱᕆᔭᖏᑦ ᐃᓄᖃᑎᒋᖕᓂᒃᑯᑦ.
ᐱᒋᐊᓚᖅᑐᖅ ᓯᑎᐱᕆ 2021−ᒥᑦ ᐊᒻᒪ ᑐᕋᒐᖃᕐᓂᐊᖅᑐᑦ ᐱᕈᖅᐸᓪᓕᐊᓂᕐᒥᑦ ᖃᕆᓴᐅᔭᓕᕆᓂᕐᒥᑦ ᓱᕐᓗ ᖃᕆᓴᐅᔭᕋᓚᑦ ᐊᐅᓚᓂᖏᓐᓂᑦ ᐊᒻᒪ ᐃᓗᓕᖏᓐᓂᑦ, ᕿᒥᕐᕈᓇᖕᓂᖅ ᖃᕆᓴᐅᔭᒃᑯᑦ, ᐊᑐᕐᓗᑎᒃ ᐊᐅᓚᔾᔪᑎᐅᔪᓂᑦ ᐊᒻᒪ ᖃᕆᓴᐅᔭᒃᑯᑦ ᐊᔾᔨᓕᐅᖅᓯᓂᖅ.
ᑕᒪᓐᓇ ᐃᓕᓐᓂᐊᒐᒃᓴᖅ ᓴᖅᑭᑕᐅᓪᓗᓂ ᐱᓕᕆᐊᖑᓪᓗᓂ ᐅᑯᓄᖓ ᑭᓇᐅᔭᓕᐅᕈᑎᖃᕋᓱᖏᑦᑐᓄᑦ ᑲᑐᔾᔨᖃᑎᒋᓄᑦ:
ᐱᓐᖑᐊᖅ ᑲᑐᔾᔨᖃᑎᒋᑦ ᐱᓕᕆᐊᖃᖅᐳᑦ ᓄᓇᓕᖕᓄᑦ, ᓄᓇᓕᕋᓚᖑᓂᖅᓴᓄᑦ, ᐊᒻᒪ ᓄᓇᖃᖅᑲᖅᓯᒪᔪᓄᑦ ᐱᓕᕆᐊᖃᕐᓂᕐᒧᑦ ᖃᓪᓗᓇᑐᑦ ᑕᐃᔭᐅᔪᖅ STEAM−ᖑᓂᕋᖅᑕᐅᔪᖅ (ᖃᐅᔨᓴᖅᑐᓕᕆᓂᖅ, ᖃᕆᓴᐅᔭᓕᕆᓂᖅ, ᐊᖅᑭᒃᓱᐃᓂᖅ, ᓴᓇᓐᖑᐊᕐᓂᖅ, ᓇᓴᐅᓯᕆᓂᖅ). ᐃᑲᔪᖅᑐᐃᕗᑦ ᐃᓕᓐᓂᐊᖅᑕᐅᔪᒃᓴᓂᑦ ᓴᖅᑭᑦᑎᓗᑎᒃ ᐊᒻᒪ ᐃᓚᓕᐅᔾᔨᓂᕐᒥᑦ ᐃᓕᖅᑯᓯᐅᔪᓂᑦ ᖃᐅᔨᒪᔭᐅᔪᓂᑦ ᐃᓕᓐᓂᐊᖅᑎᑦᑎᓂᕐᒥᑦ ᖃᕆᓴᐅᔭᓕᕆᓂᒃᑯᑦ.
This program is made possible with support from our funders
